maliyye-nazirliyi-100-milyon-manat-borc-alacagini-beyan-etdi

Maliyyə Nazirliyi 100 milyon manat borc alacağını bəyan etdi

3 noyabr 2020-ci il tarixində Bakı Fond Birjasında Maliyyə Nazirliyinin 100 milyon manatlıq Dövlət Ortamüddətli İstiqrazları (DOİ) üzrə hərrac keçiriləcəkdir.

Marja Birjaya istinadən xəbər verir ki, hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaqdır.

İstiqrazların buraxılış parametrləri barədə məlumat aşağıdakı cədvəldə verilmişdir;

Dövlət istiqrazının növü

Faizli, ortamüddətli dövlət istiqrazları

Qiymətli kağızın ISIN kodu

AZ0105021783

Emissiya həcmi

100 000 000 manat

Nominal dəyəri

100 manat

İstiqrazların tədavül müddəti

728  gün

Faiz ödənişləri (olduqda)

4 may 2021-ci il, 2 noyabr 2021-ci il,

3 may 2022-ci il, 1 noyabr 2022-ci il

Faiz gəliri

6.85 %

Ödəmə tarixi

01.11.2022

Anderrayter

“Paşa Kapital İŞ”

 QSC

Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.

Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi Emitent tərəfindən hərraca çıxarılmış istiqrazların həcminin 20%-dən aşağı olduğu təqdirdə, Emitent bu sifarişləri qəbul etməyə bilər.

Hərrac zamanı dövlət istiqrazlarına tələb təklifi üstələyəcəyi və qiymət Emitenti qane edəcəyi halda isə, Emitent tərəfindən təklif edilən istiqrazların həcmi 50 faizədək artırıla bilər.

Qeyd edək ki, dövlət büdcəsinin kəsiri istiqrazların yerləşdirilməsi yolu ilə cəlb edilən vəsait hesabına da örtülür.