Toronto polisi Kanada tarixində ən böyük qızıl oğurluğunu törətməkdə şübhəli bilinən altı nəfəri saxlayıb.

Cinayətkarlar yerli hava limanından 21 milyon Kanada dolları (15,2 milyon ABŞ dolları) dəyərində 6600 qızıl külçəsi, həmçinin 2,7 milyon Kanada dolları (1,9 milyon ABŞ dolları) nağd pul oğurlayıblar.

2023-cü ildə cinayətkarlar hava limanına yük maşını ilə gələrək Sürixdən gətirilən qızıl külçələri təhlükəsiz şəkildə yükləyib və qaçıblar.

Oğurlanmış qızıl daha sonra əridilib satılıb. Müstəntiqlərin fikrincə, quldurlar pulu silah almağa xərcləyiblər.

Belə ki, saxlanılma zamanı yük maşınında 65 növ odlu silah aşkar edilib. Oğurluqda iştirak etdiyi iddia edilən daha üç nəfər isə hələ də axtarışdadır.

Hüquq-mühafizə orqanlarının əməkdaşları oğurlanmış 419 kiloqram qızılın yalnız bir hissəsini geri qaytara biliblər.

Oxu.Az