Son 24 saatda Azərbaycan Respublikasında koronavirus (COVID-19) infeksiyasına 4189 yeni yoluxma faktı qeydə alınıb, 2 072 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 40 nəfər vəfat edib.

İndiyədək ölkədə ümumilikdə 133 733 nəfərin koronavirus infeksiyasına yoluxması faktı müəyyən edilib, onlardan 81 234 nəfər müalicə olunaraq sağalıb, 1510 nəfər vəfat edib, aktiv xəstə sayı 50 989 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 17 609, ötən müddət ərzində isə ümumilikdə 1 781 218 test aparılıb. 

02 Dekabr 2020-ci il tarixində isə son gün ərzində 3942 yoluxma faktı qeydə alındığı açıqlanmışdı.

01 Dekabr 2020-ci il tarixində açıqlanmış yoluxma faktı (4426) bugünədək qeydə alınmış ən yüksək günlük yoluxma sayı idi.