Dünyanın ən varlı 25 ailəsinin ümumi sərvəti 1,7 trilyon dollar təşkil edir ki, bu da bir il əvvəlkindən 22% çoxdur.

Reytinqdə “Walmart”, “Mars”, “Koch Industries” və “Hermes” şirkətlərinin sahibləri yer alır. İl ərzində ən zəngin ailələrin ümumi sərvəti 22% artıb.

Bloomberg -ə görə dünyanın ən varlı ailələri sırasına, “Walmart” topdan və pərakəndə ticarət şəbəkəsinə sahib olan Uolton ailəsi başçılıq edirdi. Agentlik onun sərvətini 238,2 milyard dollar həcmində qiymətləndirib.

“Walmart” 1962 -ci ildə iş adamı Sam Uolton tərəfindən yaradılıb. İndi dünyada mağazaların sayı 10,5 mindir. Şirkətin gəliri 559 milyard dollardır. Uolton ailəsi şəbəkənin səhmlərinin 48% -nə sahibdir.

Ən varlı ailə Top-10-na:

• Mars ailəsi, şirniyyat məmulatları və uzunmüddət saxlama qabiliyyətli məhsulların istehsalçısı “Mars”ın sahibləri - 141,9 milyard dollar;
• Koh ailəsi, Amerika neft -kimya şirkəti “Koch Industrues” - 124,4 milyard dollar;
• Fransız moda evi “Hermes”in sahibləri olan Herme ailəsi - 111,6 milyard dollar;
• Səudiyyə kral ailəsi Əl Saud - 100 milyard dollar;
• Hindistan neft hasilatı və emalı holdinqi “Reliance Industries”in sahibləri olan Ambani ailəsi - 93,7 milyard dollar;
• Vertheymer ailəsi, “Chanel” Fransız moda evinin sahibləri - 61,8 milyard dollar;
• Conson ailəsi, Amerikanın “Fidelity Investments” aktiv idarə şirkəti - 61,2 milyard dollar;
• “Thomson Reuters” media şirkətinin sahibləri Tomson ailəsi - 61,1 milyard dollar;
• Böringer ailəsi, Alman dərman şirkəti “Boehringer Ingelheim”in sahibləri - 59,2 milyard dollar.

Reytinqə ümumilikdə 25 ailə daxil edilib. Bunların arasında, Alman “Aldi” mağazalar şəbəkəsi sahibi olan Albrecht ailəsi (51 milyard dollar), “Estee Lauder” kosmetika markasının sahibləri (49,3 milyard dollar), Fransız ticarət nəhəngi “Auchan” (45.9 milyard dollar) sahibi olan Mulier ailəsi və BMW sahibi olan Kuandt ailəsi (42,3 milyard dollar) var.

Səbinə Səmidxan