“Azərbaycan Dəmir Yolları” (ADY) QSC bu ilin I rübündə 718 310 nəfər sərnişin daşıyıb. 

İndiser.az xəbər verir ki, quruma istinadən verilən məlumata görə, bunun 458 671 nəfəri şəhərətrafı, 224 222 nəfərə ölkədaxili, 35,417 nəfəri isə beynəlxalq istiqamətdə daşınıb. 

Bundan başqa, hesabat dövründə ADY 3 milyon 540,8 min ton yük daşıyıb. Bunun 1 milyon 820,5 min tonunu beynəlxalq, 939,1 min tonunu tranzit daşımalar, 781,2 min tonunu isə daxili daşımalar təşkil edib. 

Üç ay ərzində yükdaşımaya gündə orta hesabla 5,3 qatar, 10 271 konteyner, 5 922 nəfər işçi cəlb edilib. 

© Report